Sport 

view all

 Entertainment 

view all

 Business 

view all

China slowdown's impact on Namibia

Photo: WEF

China, the world's second largest economy, has been undergoing an economic slowdown that is likely to persist until the end of the year, and Namibia is affected too.


Poll

View older polls

    Results so far:

      Opolisi tayi ka tula miipandeko omunafaalama gwomoMariental

      by

      .

      ONDJAYI yetanga lyopolisi Sebastian Ndeitunga okwa popi kutya opolisi oyi ipyakidhila nomalongekidho gokuninga etokolo opo omunafaalama gwomoMariental Johan Meyer (50), a tulwe miipandeko natango ye a patelwe mokakuma.

      Meyer okwa li a kwatwa po nokwa pewa oboloha yooN$3 000 mesiku olyo tuu ndyoka.

      Oshipotha sha Meyer osha nyenyetwa koshigwana unene tuu shaMariental shoka shi wete kutya egandjo lyoboloha, kali li pauyuuki oshoka omukulukadhi gwe oha longo mompangu.

      Meyer ota tamanekelwa edhipago lyokakadhona komimvo omugoyi Hendrina Mupolo omasiku ga zi ko sho e ka lyatele pevi noshihauto.

      Ndeitunga okwa popi kutya sho a nongele kutya Meyer ina tulwa miipandeko mbala konima yoshiningwanima shoka, okwa gandja elombwelo kukomanda moshitopolwa ta kwathele, opo a shilipaleke kutya [Meyer] okwa kwatwa po.

      “Ndyoka olyo kwa li elombwelo lyandje. Ashike, ondu uvithwa nayi kashona sho ndu uvu kutya okwa falwa ashike kompangu nokupewa oboloha,” osho ondjayi yetanga a popi ngaaka.

      Nonande ongaaka, komanda ta kwathele moshitopolwa shoka shaHardap, James Haatutale, okwa popi tati: “Tse otwa landula ashike omilandu. Ashike itandi vulu okupopya ngele okwa li nda pewa elombwelo nenge hasho [okuza kuNdeitunga], oshoka ihandi popi omalombwelo okuza kondjayi yetanga niikundaneki.”

      Nonande ongaaka Ndeitunga okwa popi kutya ekwatululo lya Meyer otali ki ikwatelela ngele opwa li sha she endwa pambambo sho a tulwa miipandeko lwotango, ngele ka kwali kwa landulwa omilandu dhomondjila sho a tulwa miipandeko, osho wo ngele otashi kala tuu muuwanawa woshigwana ngele okwa kala a mangululwa.

      “Otatu ningi etokolo uuna pu na omakankameno, molwashoka otatu kwatathana nombelewa yomutamanekindjayi,” osho a popi ngaaka.

      Ndeitunga okwa londodha aapolisi mboka taya ningi omakonakano opo kaaya longe iilonga yuulangedhi mbyoka tashi vulika yi ike etithe oshipotha shoka she ekelwehi kompangu.

      “Itatu pitike nande iilonga yaa li pambelewa momakonakono. Aakwashigwana olundji ohaya nyenyeta kombinga yomakonakono ga nkundipala nomaihumbatonayi gaapolisi yamwe.

      Shoka inashi ningwa nande, naangoka ta longo iilonga yoludhi ndoka ina pumbwa okukala we omupolisi.

      OMBELEWA YOMUTAMANEKINDJAYI



      Ombelewa yomutamenekindjayi petameko lyoshiwike shika oya pititha omukanda tagu yelitha kutya oya tuma ongundu koMariental yi ka ninge omakonakono gompangu yaMariental sho ya gandja oboloha kuMeyer, ashike otaya konakona owala olunyala lwaatamaneki moshipotha shoka.

      “Ombelewa yomutamanekindjayi oya tuma ongundu yaanambelewa aakuluntu okuza koombonge oonene opo ya ka ningile aatamaneki omakonakono, ashike itaya konakona nande edhano nkandangala lyopolisi nenge lyamangestrata moshipotha shoka

      Omukandayelitho ngoka ogwa popi kutya nashi yelekwe kutya Elelo lyAatamaneki lyaNamibia olyi li po ongaaniilonga mompangu, nonkene oye li le mo ashike okulonga nomapeko giipotha nokukala ye shi shoka shi li mo opo ya gandje epopilo ngele otaku gandjwa oboloha nenge otaya tindi.

      Oya popi kutya iikondo ngaashi shopolisi osho wo shoomangestrata oyi ili nonkene itayi vulu okuwilikwa nokuningilwa omakonakono kelelo lyomutamanekindjayi.

      “Onkene, omutamanekindjayi oha gandja ashike omapopilo kondjayi yetanga opo a lundulule omukonakoni gwoshipotha uuna a dhimbulula kutya omakonakono oga yiwa moshipala.

      Natango, omutamanekindjayi ota vulu okuninga eindilo opo mangestrata ngoka ta longo noshipotha a kuthwe mo moshipotha shoka uuna pu na sha inaa shi yela metokolo ndyoka a ningi,” osho ombelewa yomutamenekindjayi ya popi ngaaka.

      Aakalimo yomoMariental oshiwike sha zi ko oya popi kutya oya kanitha omukumo neinekelo lyopolisi osho wo aatamaneki yepangelo mompangu yamangestrata gwaMariental sho ya kwata po Meyer noye mu mangulula sho ye mu pe oboloha.

      Mupolo okwa kanitha omwenyo gwe sho taku hokololwa a lyatwa noshihauto mehala lyoshikunino ndyoka tali adhika popepi nondolopa ya Mariental mOsoondaha ya landula ndjoka ya zi ko.

      Mesiku lyoshiningwanima otaku hokololwa kutya Annemarie !Aochamus (34) opamwe nomwana Hendrina nayalwe momudhingoloko oya ka kola omakunde moshikunino shomunafaalama Meyer, ashike omanga yi ipyakidhila, Meyer okwa nuka ko noshihauto she shoLand Cruiser nokuhinga u uka muyo nokwa lyata nokudhipaga Hendrina. Lwanima [konima yoshiningwanima] Meyer okwa popi kutya aakalimo oya yi mepya lye pwaana epitikilo nokutameka taya kola ko omakunde ngoka a kuna.

      Brenda Rooi, omupopiliko gwoshigwana shaMariental shoka sha ningi omunyanyo shi li ompinge netokolo lya ningwa kompangu okugandja oboloha kuMeyer, okwa popi kutya oye na uumbanda kutya otashi vulika uuyuuki wu kale inaa wu longwa moshipotha shoka.

      Rooi okwa popi kutya oshinima shotango ooshoka kutya Anita Meyer ngoka oye omukulukadhi gwa Meyer, oha longo mompangu yamangestrata gwaMariental ongomupevitamanekindjayi, naashoka otashi vulika shi kale shi na mo olunyala.


      Today's ePaper [click to subscribe]


      Most Viewed Articles


      Editorials



      Video

      view all

      Cartoons