Sport 

view all

 Entertainment 

view all

 Business 

view all

China slowdown's impact on Namibia

Photo: WEF

China, the world's second largest economy, has been undergoing an economic slowdown that is likely to persist until the end of the year, and Namibia is affected too.


Poll

View older polls

    Results so far:

      Yandeni okwiikuthila oveta momake geni – Shapumba

      by

      OPOLISI mOshitopolwa shErongo oya londodha nokukunkilila oshigwana shi yande okwiikuthila oveta momake gasho oku ungaunga nnookalyamupombo noya kumagidhwa opo ya kale aluhe haye ya gandja momake gopolisi.

      Elondodho ndyoka olya landula oshiningwanima shoka sha ningwa mOmbaye mEtiyali sho omufekelwa omulumentu a taku hokololwa a dhengagulwa kaakwashigwana yomomudhingoloko gwaKuisebmond. Omulumentu ngoka otaku hokololwa a fegula omuntu ongodhi yongushu yooN$4 000 nokuya ontuku ashike aakwashigwana oye mu tidha noku mu kwata noye mu tsu oshiti.

      Komanda gwiipambele yoshigwana moshitopolwa shErongo, inspekta Ileni Shapumba, okwa popi kutya lwanima omufekelwa ngoka okwa gandjwa kopolisi nokwa falwa mbala koshipangelo a ka mone uuhaku.

      “Okwa tulwa miipandeko nongashingeyi okwa patelwa mondjeedhililo yopolisi. Nonande okwa pupula oshigwana kombunda sho sha longo oshilonga sha simana okukwathela opolisi mokukwata omufekelwa ngoka nokugalula ongodhi ndjoka a li a yugu omuntu, okwi indile oshigwana kaashi longithe oonkondo dhasho oku ungaunga noombudhi,” osho a popi ngaaka.

      Omufekelwa ngoka okwa holoka mompangu yamangestrata gwaMbaye, ohela. Omakonakono gopolisi otaga pula komeho.

      Covid-19: Omwaalu gwaavu

      oyendji gwa ndhindhilikwa

      mEtitatu

      NAMIBIA okwa ndhindhilike aantu ye li 192 ya monika ombuto yocorona mEtitatu, ndhoka odha popiwa kuminista guundjolowele nomayakulo gonkalonawa Kalumbi Shangula pethimbo ta gandja uuyelele wopethimbo kombinga yombuto yocorona moshilongo.

      Shangula okwa popi kutya oshilongo osha yakula omwaalu gu li pombanda noonkondo gwaantu aape ya monika ombuto yocorona muule wesiku limwe. Okutala kutya aantu mboka oye li pomahala ga yooloka, otashi ulike kutya moshigwana omwa li etaandelo lyombuto, osho a popi ngaaka.

      Maantu mboka ya ndhindhilikwa mEtitatu ye li 192, omwa kwatelwa aanasikola ye li 21, aaniilonga yuuhaku ye li 12, aailongi 11 osho wo omulongisikola gumwe.

      Minista okwa popi kutya aantu ye li 32 oye li moombete omolwombuto yocorona, omanga ye li yahetatu oye li kekwatho lyombepo yiifudho.

      “Oshinima tashi tulitha omutse kepepe ooshoka kutya onkene tu na aantu oyendji inaa ya tuntilwa oyo taya kwatwa kombuto ndjoka, taya taambelwa moombete notaya pumbwa etonatelo lya kwata miiti omolwoonkalo dhuuwehame ye na,” osho a gwedha po ngaaka.

      Onakalo yombuto yocorona moshilongo oya kala yi li hwepo muule wiiwike ya piti, shoka sha li nokuli she eta epangelo lyi pupaleke nokukutha po omilandu dhimwe ngaashi dhokuzala uumaska osho wo okwiindjipaleka omwaalu gomangundumano paantu ye li 1 000.

      Omolwombuto yocorona ndjoka ya tameka okuya pombanda poshishiindalongo South Africa tashi etithwa koludhi olutiyali lwocorona yOmicron, Shangula omwedhi gwa zi ko okwa popi kutya oya tameka okukonakona ngele oludhi ndoka olwa thika moNamibia.

      “Oludhi ndoka lwOmicron okwa li lwa ndhindhilikwa moSoutha Africa, moDenmark, moScotland nomoEngland okuza momasiku 10 Januali 2022. Oludhi ndoka onkene talu ningilwa omakonakono ku taliwe kutya ohalu taandele meendelelo shi thike peni osho wo oonkondo dhalwo,” osho a minista a popi ngaaka, omwedhi gwa zi ko. Oludhi ndoka olutiyali lwOmicron otaku hokololwa wo lwa monika moBotswana.

      Ehangano lyoosamende

      lyoCheetah lya patithwa

      UUMINISTILI wiilonga owa gandja elombwelo kehangano lyAachina lyedhina Cheetah Cement mOtjiwarongo li kaleke iilonga yalyo omolwomilandu dhi na sha nuundjolowele ndhoka dha yiwa pambambo kehangano ndyoka.

      Etokolo ndyoka olya ningwa kuuministili, mEtiyali, okupitila mOveta yAaniilonga kohi yomilandu dhegameno nuundjolowele pehala lyiilonga.

      Uuministili mboka owa popi kutya okwa li wa tumu aanambelewa kehala lyiilonga yoosamande mehangano ndyoka opo ku ningwe omakonakono nokutaliwe kutya aaniilonga otaya longo monkalo yi li ngiini ngele otashi ya kuundjolowele negameno, nolopota yaashoka ya mono po oya popi kutya ehala lyiilonga kali na egameno.

      Omupehakuluntuwiliki muuministili waaniilonga, Lydia Indombo, okwa popi kutya uuminsitili wawo owa totha mo iinyangadhalwa oyindji mbyoka tayi longwa kehangano ndyoka ya ya pambambo omilandu dhegameno miilonga, nonkene owa gandja elombwelo opo ehangano ndyoka lyi kaleke iilonga nokupukulula omapuko.

      Gamwe gomomilandu dhuundjolowele pehala lyiilonga ngoka inaa ga iyuthwa kugo miilonga yokunduluka oosamande oongoak kutya aaniilonga inaya pewa iigamenithi, kamu na omayakulo ge li nawa guuyogoki waaniilonga, iikwathitho yekwatho lyotango miilonga, okutumbula po ashike yimwe.

      “Omaindilo okuza kuuministili opo ehangano ndyoka lyi gwanithe po nokwiiyutha komilandu okwa li ga hulile momakutsi ga thita, nuuministili poompito dha yooloka okwa li wa kwatathana nelelo lyehangano lyo-Cheetah Cement, ashike kapu na elunduluko lya sha lya ningwa po okuza sho kwa li lya telelwa po momasiku 2 Mei 2022,” osho Indombo a popi ngaaka.

      Omufekelwa ngoka a

      pumu nokudhipaga

      Mans a mangululwa

      OMUHINGI ngoka a li a tulwa miipandeko sho i idhenge mokathanguthangu ka Gerhard Mans popepi nOvenduka omasiku omugoyi ga piti, okwa mangululwa mo mondholongo uunambo sho a pewa ompito yokwiifutila mo nooN$3 000.

      Mans (60), ngoka oye a li kapitiye gwosipana yopashigwana yetanga lyokutaambathanwa (olagabi), okwa hulitha mbala sho a pumwa koshihauto shoka sha li tashi hingwa ku Jafet Paulus.

      Paulus (31) okwa holoka lwoshikando oshitiyali mOmpangu yaMangestrata gwaVenduka moKatutura nokwa pewa oboloha. Omufekelwa ngoka a kala mondjeedhililo yopolisi okuza Etitatu lyoshiningwanima, oshiwike sha zi ko, ota tamenekelwa oshipotha shedhipago lyaashi lyoshiningilawina sho i idhenge mumwe nombasikela ya Mans mopate onene ndjoka ya tseyika nawa Western Bypass muumbangalantu waVenduka.

      MEtitano lya zi ko sho a holoka lwotango, omutamaneki okwa lombwele mangestrata moshipotha shoka kutya epangelo olya tinda okugandja oboloha kuPaulus, ashike uunambo omutameneki gwepangelo Victoria Thompson okwa lombwele mangestrata Olga Likando kutya epangelo inali tinda we egandjo lyoboloha komulumentu ngoka moshipotha she.

      Paulus okwa tegelelwa a galukile kompangu momasiku 22 Juli, sha landula sho oshipitha she shu undulilwa komeho opo ku ningwe omakonakono ga gwedhw apo. Okwa li a kalelwa po kuhahende Moses Ikanga.


      Today's ePaper [click to subscribe]


      Most Viewed Articles


      Editorials



      Video

      view all

      Cartoons