Sport 

view all

 Entertainment 

view all

Women's retreat empowers

.

THE Twapewa Kadhikwa Annual Women's Retreat weekend, which aimed to activate the faith of women, as well as renew their mindsets for a more productive and prosperous future, will be remembered by those who attended as a life changer.


'Ompata' Headed to Big Screen

THE gritty reality of township life is often overlooked or ignored, but young film-maker Roger Rafael has found a way to creatively tell these stories through a YouTube series titled 'Ompata'.



 Business 

view all

Average house prices edge up

.

AT the end of March this year, the average price of a house in Namibia was N$1,2 million – about N$100 000 more than during the same time last year.


Namibians show interest in US trade

Elijah Mukubonda

SEVERAL Namibian entrepreneurs have shown interest in pursuing business opportunities in the United States after making contacts at the Namibia-US trade summit held in Namibia early this month.


Poll

View older polls

    Results so far:

      Aanamibia ya dhenge 'mokatoo' ehangano lyokoBritain ... ya futwa oomiliyona N$7 melanditho lyuuwe

      by

      .

      OMUTAMANEKINDJAYI Martha Imalwa ota tamaneke Aanamibia yatatu Heikki Kangonga, Erastus 'Cabino' Heita, and Ndawedapopendjebo Hamupolo, mboka taku hokololwa ya kengelele ehangano lyokoBritain oomiliyona N$7 sho ye li landitha uuwe shaa li paveta molwashoka kaye na omikandapitikilo dhoku shi ninga.

      Ehangano ndyoka taku hokololwa lya kengelelwa olyo Lycia Limited – nooyene yalyo oyo Mitesh Patel naBruno Manuel Silva.
      Nonande pauyelele womutamanekindjayi aalumentu mboka yatatu otaya fekelwa uukengeleledhi woshimaliwa shi li poomiliyona N$7, oombapila dhomompangu odha popi kutya ehangano ndyoka lyokoBritain olya kengelelwa oshimaliwa shi li poomiliyona N$10.
      Imalwa okwa popi kutya aafekelwa mboka yatatu oya longele kumwe okudhenga 'mokatoo' Lycia Limited kutya ohaya longo niipambele ya pamba elanditho lyokawe moNamibia, omanga paushili kaaye na uuthemba wopaveta oku shi ninga.
      “Kangonga, okupitila mehangano Namibia Gemologist osho wo Heita, okupitila mehangano Cabino CC, oya longitha iineya okulanditha uuwe inaa wu kweywa kehangano lyo-Lycia Limited mokulongitha ekoto kutya Heita, naHamupolo nenge tutye omahangano gawo gopaali oge na uuthemba wokulanditha uuwe, omanga paushili hasho,” osho Imalwa a popi ngaaka momukandayelitho gwomompangu.
      Imalwa okwa gwedha po wo kutya aafekelwa mboka yaali nenge omahangano gawo inaga pewa nande uuthemba wokulanditha uuwe moshilongo. Aafekelwa yaali Hamupolo naHeita, oya tindi okutya ko sha komatamaneko ngoka sho ya pulwa konzonkundaneki ndjika, ishewe sigo oompaka inaya patululilwa oshipotha mekwatathano lyolunyala lwawo moshiningwanima shoka.
      Omufekelwa Kangonga, ngoka a li a kwatwa po nokupatululilwa oshipotha, okwa popi kutya ke na shoka a longa sha puka melanditho lyuuwe moshikumungu shoka nota pataneke omatamaneko ngoka a taalela mompangu.
      MuDesemba omumvo gwa zi ko Ompangu yoPombanda oya gandja epitikilo kuImalwa opo a kwate ko omayalulo goombangaa nomaliko gaafekelwa mboka yatatu, nompangu oya gandja wo elombwelo opo oshimaliwa shoka sha adhika moombaanga dhaafekelwa shi futwe ehangano lyoLycia Limited ndyoka ya kengelele.
      Silva – ngoka oye gumwe gomooyene yoLycia Limited – okwa yelitha okupitila momukanda gwomompangu ngoka a gandja muKotoba omumvo gwa zi ko, kutya oya kala ya hala okulanda uuwe nokwa li i itsu mu Cabino komalungula koLinkedIn noye mu tseyithila ehalo lyokulanda uuwe okuza kuye – oshoka anuwa omulandithi guuwe moNamibia.
      Okuza mpoka okwa hokolola kutya Patel, okwa tsikile nehokololo lyokulanda uuwe naKangonga ngoka oye a li te mu pe uuyelele womuule kombinga yuushili wongushu yuukawe molwashoka anuwa oye omunongononi miikwamanya nuuwe.
      Ehokololo olya tsikile kutya okuza mpoka otaku hokololwa Silva i idhenge ondjila muKotoba okuya moNamibia opo a lande uuwe mboka ya kundathana.
      Sho a thiki moshilongo okwa ka tsakanekwa kuKangonga nokuza mpoka “otwa yi tu ka tale omulandithi gwokawe ngoka u unganekwa kuKangonga”. Omulandithi gokawe ngoka ta popiwa mpaka – pitulwa – oye Hamupolo.
      Ayehe mboka yatatu, otaku hokololwa ya yi kombelewa yaKangonga ndjoka tayi adhika mondingandinga yondolopa yaVenduka.
      Omanga ye li mombelewa ndjoka, otaku hokololwa Hamupolo a kutha mo uuplastika utatu wuuwe noya pula komeho noonkundathana.

      IIFUTA
      Okuza mpoka Aabritain oya futu oshimaliwa ya lande uuwe okupitila maalumentu mboka yatatu.
      Nonande Imalwa okwa popi kutya ehangano ndyoka lyaakwiilongo olya kengelelwa oshimaliwa shoomiliyona N$7, oodokument dhomompangu odhu ulike kutya oshimaliwa shoka oshi li poomiliyona N$10.
      Oomiliyona N$3,7 otaku hokololwa dha futwa komayalulo gombaanga yaHamupolo, omanga oomiliyona dhi li poN$3,3 otaku hokololwa dha futwa komayalulo gombaanga yehangano lyedhina Joat Trading – lya Hamupolo.
      Oshimaliwa sha futwa paali – ooN$538 200 osho wo ooN$237 000 osha futwa ehangano lyedhina Cabino Financials, lya Heita.
      Kangonga okwa futwa oomiliyona N$3,5.
      Ashike hapo sha hulile mpoka, Silva okwa hokolola kutya momasiku 18 Kotoba omanga e li mohotela, okwa tseyithilwa komukuluntu gwohotela kutya opu na omupolisi te mu pula.
      “Pomweelo onda adha po omupolisi e li momuzalo gwiilonga noku na oshihauto. Okwiitongonona, nokwa lombwele ndje kutya oha longele uuministili wIikwamina nIikwankondo, nokwe ya okwiila ko epakete lyuuwe kungame omolwegameno lyomulandi [lyandje] osho wo lyiifuta,”osho a popi ngaaka.
      Okwa popi kutya omupolisi ngoka otaku hokololwa a tumwa kuHeita, molwashoka “oshi li pamulandu guuministili” okukonakona uuwe mboka.
      “Omulumentu ngoka [omupolisi] okwa li nomukanda gwa za kuHeita ngoka tagu tseyithile ndje kutya kapu na uupyakadhi naayihe oyi li megameno. Omupolisi ngoka okwa li nondjembo, onkene okwa li ndi shi okwa zi shili okuuministili,” osho Silva a popi ngaaka.
      Omakonamono gopolisi ogu ulike kutya oshimaliwa shoka sha futwa aafekelwa mboka yatatu kAabritain, okwa li ye shi longitha po okulanda omaliko gawo mwa kwatelwa iihauto, nayilwe.

      I IKANYUNA
      Kangonga, okwa popi kutya ye ke na ondjo oshoka ke na nande ooshoka a longa sha puka. Okupitila momukanda gwompangu okwa popi kutya okwa li ashike a kwatwathanwa naye muSeptemba omumvo gwa zi ko kaantu ya hala eyakulo ndyoka ha gandja.
      “Inandi longa oshikoya sha sha shuukungeleledhi nenge okudhenga okatoo ehangano lyoLycia Limited nenge omuntu gwontumba. Kandi na nande olunyala miilonga ya sha yokukala [nuuwe] nenge yelandithi lyuuwe shaa li paveta. Otandi tindi natango kutya kandi na shoka nda longa sha puka shuukengeleledhi woshimaliwa,” osho a popi ngaaka.
      Kangonga okwa popi kutya ye omunongononi guuwe e na owino.
      Okwa popi kutya miifuta yokuza kAabritain okwa li a futwa ooN$74 500 ongiifuta yopambelewa, omanga oomiliyona N$4,1 okwe dhi futwa ongiilonga ye yokunongonona ongushu yuuwe mboka.
      “Onda nongonona ongushu yuuwe. Onda futilwa iilonga yandje. Shoka osho ndi ilongela nondi na oonzapo musho. Ondi na okufutwa sho nda longo,” osho Kangonga a popi ngaaka.
      Okwa gwedha po tati: “oshayela kutya uuwe mboka owa kuthwa po kuHeita. Ngele opu na oshilanduli nena oye e na okutaalela oveta.
      Okwa popi kutya ye iha landitha nande uuwe, ashike oha nongonona ashike nokutala ongushu yuuwe.
      Kangonga okwa gwedha po kutya okwa li a ningi onkambadhala lwiikando opo a pewe uuthemba nokushangithwa kuuministili wiikwamina ongomunongononi guuwe pambelewa ashike okwa kala “ta shunithwa ko”.


      Today's ePaper [click to subscribe]


      Most Viewed Articles


      Editorials



      Video

      view all

      Cartoons