Sport 

view all

NFA continues investor hunt

Absalom Iimbondi in action for Tigers. File photo

THE Namibia Football Association (NFA)'s interim secretary general Jochen Traut said Fifa and the Confederation of African Football (CAF) do not sponsor national football leagues.



 Entertainment 

view all

DJ Dreas heading to Rocking the Daisies

TOP Namibian DJ, Andreas Nambambi, aka DJ Dreas, will be performing at this year's Rocking the Daisies music and lifestyle festival, set to take place from 7 to 9 October in South Africa.


Getting the Pulse Racing

.

AWARD-WINNING artist, writer, film producer and director Micheal Kahorongo, also known as Micheal Pulse, has been faced with many obstacles over the years, but has kept moving towards achieving his dreams.


Miss Namibia, Miss Teen Namibia to be crowned

.

IT is pageant season again, as tonight Miss Teen Namibia will crown a new young beauty queen, replacing the reigning Alexis Swart and beginning her year of duty, in NBC's first live show since the pandemic brought events to a standstill in 2020.



 Business 

view all

The Peter Principle

.

BEING SUBJECTED to the ineptness of staff at a Namibian Stock Exchange (NSX) listed commercial bank this week was a sobering experience.


Poll

View older polls

    Results so far:

      'Osho tandi kala ngaaka uule onkalamwenyo yandje'

      by

      SHO kuku Martin Gustaf (62) a posipala, oshe mu kutha ethimbo ele opo eshi taambe ko kutya osho e na okukala ngaaka muule wnkalamwenyo ye ayihe.

      Kuku Gustaf okwa hokolola kutya okwa kanitha omeho mo2009, nota dhimbulukwa kutya osha ningwa pethimbo lyokufu.

      Okwa popi kutya pethimbo ndyoka okwa li owala a mono omeho ge ga fa ga togwa koshinima oshitokele nokuza mpoka ina mona ko we sigo okeluwa ndika.

      Shoka, okwa popi kutya osha holoka omolwoshiningwanima shomo2006 sho a dhengwa kombinga meho lyokolumoho omanga a li miilonga nokuza mpoka okwa kala e na uupyakadhi.

      “Onda yi kundohotola gomeho opo ndi ka konakonwe. Okuza mpoka onda kala handi yi komakonakono sigo nda thiki pompito ndjoka nda tamake kaandi wete ko we thilu,” osho a hokolola ngaaka.

      Konima yaashoka, kuku Gustaf okwa hokolola kutya okwa kala ta pewa ehungomwenyo kongundu yongeleka yontumba naashoka osha hwepopeke onkalo ye yokwiitaala onkalamwenyo ye ompe itaa mono ko we.

      “Osho owala ndi na okukala ngaaka uule wonkalamwenyo yandje ayihe,” osho a popi ngaaka.

      Kuku Gustaf, ngoka a yambukile kEndola moshitopolwa shaHangwena, okwa li e ya muushimba waVenduka mo1981 ongomuniilonga gwomokomboni.

      Ashike ngashingeyi okwa kala kolukanda lwoombashu lwaBabylon, noha hupu ashike kokashona kopenzela yaakulupe yooN$1 300.

      Okwa popi kutya moshimaliwa shopenzela omo wo natango ha kutha oku ya mbidhidha omwana Hima Gustaf (21) ngoka ha sikola koshiputudhilolongo shaIUM.

      “Ohandi longitha oshimaliwa shi li pooN$500 shotaxi yokuya nokugaluka kosikola. Ishewe opu na wo iipumbwa yesiku kehe mbyoka ndi na okugwanitha po,” osho a popi ngaaka.

      Hilma okwa popi tati: “Ondi li momvula yandje yotango notandi ilongele uulongi welongo lyopambanda. Osikola ohandi yi futilwa koshikethahangano shaailongi shedhina Namibia Students Financial Assistance Fund (NSFAF), ashike oshimaliwa shoka hatu futwa ko ohashi ya owala pehulilo lyomvula, naashoka otashi ti kutya mongashingeyi ondi ikwatelela owala mokashona handi pewa ku tate ngaashi oshimaliwa sholefa, shothewa, osho wo sha kehe oompumbwe ndi na.”

      Omukulukadhi gwa kuku Gustaf, Lucia Petrus (55) okwa popi kutya okwa li ha longo ongomwoopaleki kokapale koondhila kopaigwana kaHosea Kutako, ashike iilonga okwe yi thigi po mo2005 sho a kwatwa kuunkundi.

      Okwa hokolola kutya okwa li a tsakanene na kuku Gustaf mo1998, noye na pamwe okanona kamwe.

      “Onde mu tseya pethimbo kaali omuposi, nongashingeyi itandi vulu oku mu thiga po. Otandi dhimbulukwa mo2005 sho nda li tandi ehama, okwa kala oye ta yambidhidha ndje. Ashike ngashingeyi olufo olwandje oku mu kwathela noku mu yambidhidha,” osho a popi ngaaka.

      “Otandi vulu ongeshefa onshona yokulandithila pegumbo, ashike uupyakadhi oomboka kutya kandi na oshimaliwa shokutamekitha. Itandi vulu okukonga iilonga oshoka ondi na oshinakugwanithwa shokusila oshimpwiyu omusamane gwandje. Ishewe ondi wete nda koka unene noku ka konga iilonga, nondi na wo uupyakadhi welondo lyombinzi,” osho meme Petrus a popi ngaaka.

      Okwa hokolola kutya omaupyakadhi galwe ngoka ya taalela omwa kwatelwa ompumbwe yokandjugo nonkalo ndjoka oya thimina omusamane gwe a kale owala he ki iwathela kongulohi.

      Meme Petrus okwa popi kutya okandjugo kaakwashigwana hoka ke li po, oke li kokule unene nohashi kala oshidhigu okutaaguluka omulamba okuya kokandjugo.

      Debbie van der Merwe, ngoka oye a li omuhona gwa kuku Gustaf, okwa popi kutya kuku Gustaf okwa li lela omuntu e li nawa nokwa li ha longo nuudhiginini.

      “Otandi dhimbulukwa pethimbo nda li nomusamane gwandje sho twa tsakanene naGustaf molwaamba lwopate ta kongo iilonga. Otwe mu kutha po noku mu pa iilonga yokwo opaleka molugumbo lwetu, lwaali moshiwike.

      “Otandi dhimbulukwa kutya oshikando shimwe okwa li a lombwele ndje kutya ota nyengwa okumona ko nawa sha landula omboha ndjoka ya li ye mu dhenge meho lye,” osho a popi ngaaka.

      Van der Merwe okwa popi kutya manga inaa penzelwa okwa li ha kwatha nokupa kuku Gustaf okathilinga kokwiikwathela.

      Mushiinda sha kuku Gustaf, meme Merijam Hangula (37), okwa hokolola kutya okwa putuka momeho ga kuku Gustaf negumbo lye, nokwa tongonona omwana Hilma ongomunamagano mosikola nokwa kala aluhe ha nyanyudha aakuluntu ye niizemo tayi shambula mosikola. Okwa popi kutya ke na omalimbililo kutya limwe lyomomasiku ota ka mana osikola ye a kuthe ko oshinakugwanithwa shokutakamitha nokusila oshimpwiyu aavali ye.


      Today's ePaper [click to subscribe]


      Most Viewed Articles


      Editorials



      Video

      view all

      Cartoons